Со особена гордост информираме дека учениците од двете екипи од здравствената струка од ОСУ „Мирко Милески“ од Кичево го освоија првото место на натпреварот по прва помош со ист број на поени🎖️🏆. Екипата од паралелките на турски наставен јазик освои трето место🥉.

Натпреварот се одржа на 25.04.2026 во организација на Општинската организација на Црвениот крст.

Учениците демонстрираа високо ниво на знаење, практични вештини и исклучителна подготвеност за тимска работа во симулирани итни ситуации. Нивниот успех претставува резултат на континуирана посветеност, одговорност и квалитетна менторска поддршка.

Им упатуваме искрени честитки за постигнатиот резултат и им посакуваме голем успех на регионалниот натпревар🍀.