Соопштенија и новости

Со голема гордост ги истакнуваме нашите ученици кои учествуваа на Државниот натпревар ОБРАЗОВНО РАНДЕВУ МАССУМ кој се одржа во Богданци на 23.04.2026 г. и 24.04.2026 г. и достојно го претставија нашето училиште во три категории: социјален бизнис модел, интервју за работа и соло пеење. Особено сме горди на постигнатиот успех - освоено трето место за најдобар социјален бизнис модел, што е резултат на нивната посветеност и тимска работа.

Најдобар социјален бизнис модел:

Евгенија Димитриоска

Вероника Степаноска

Анастасиа Арсоска

Ментор: Христина Кузманоска

Соло пеење:

Андреј Дуртановски

Стефанија Миноска

Ментор: Горан Делевски

Интервју за работа:

Јана Матеска

Ментор: Нела Митреска

Честитки до наградените, учесниците и нивните ментори! Овој успех е само поттик за уште поголеми достигнувања во иднина.

Со особено задоволство информираме дека Општинското средно училиште „Мирко Милески“ – Кичево доби значајна донација од Осигурително брокерско друштво Полиса ПЛУС Осигурително брокерско друштво/POLISA PLUS АД Скопје, која опфаќа компјутери, монитори, како и друг ИКТ и канцелариски материјал.

Оваа донација претставува значаен придонес кон унапредување на наставниот процес и подобрување на условите за работа на учениците и наставниот кадар. Современата информатичка опрема ќе овозможи поквалитетна реализација на наставата, особено во делот на дигитализацијата и практичната настава.

Донацијата се реализира во рамки на воспоставената соработка која има за цел поттикнување на општествена одговорност, поддршка на младите и создавање подобри услови за нивен развој.

Изразуваме искрена благодарност до Осигурително брокерско друштво ПОЛИСА ПЛУС АД Скопје за покажаната општествена одговорност и поддршка. Ваквите иницијативи се силен пример за тоа како заедничката соработка помеѓу образовните институции и бизнис секторот може да придонесе за создавање подобра иднина за младите генерации.

ОСУ „Мирко Милески“ – Кичево останува посветено на понатамошно градење партнерства кои ќе придонесат за континуиран развој и унапредување на образовниот процес.

Денес споделуваме одлични вести! Тимот "Thrift Buddy" составен од ученици од IV-5 освои второ место на натпреварот за Циркуларна економија на Економскиот факултет во Прилеп!

Традиционално и оваа година Економски факултет - Прилеп, на 03.04.2026 организираше регионален натпревар за Циркуларна економија за средношколци на кој што учествуваа 26 тимови.

Оваа година ОСУ Мирко Милески - Кичево учествуваше со три тимови:

ТИМ 1: Круг без отпад

Елена Мирческа

Дарио Стојаноски

Симона Папазоска

Марија Јанкулоска

Теодора Анѓелеска

Ментор: Мена Пејоска

ТИМ 2: Свет на насмевки

Стефанија Митреска

Евгенија Димитријоска

Љубиша Момироски

Ангела Станкоска

Матеа Стојкоска

Ментор: Ивона Блажеска

ТИМ 3: Thrift Buddу

Матео Миноски

Матео Настески

Влатко Божиноски

Димитрија Пејоски

Ментор: Биљана Стаматовска

Честитки до наградените, учесниците и нивните ментори! Им посакуваме понатамошни успеси

На ден 26.03.2026г. стручната служба реализираше работилница „Да препознаеме и спречиме насилство“

Во време кога се повеќе од нашата комуникација се одвива во дигиталниот свет, темата за насилство особено кибер насилството станува се поактуелна и поважна од кога било.

Преку интерактивни активности, дискусии и „живи сцени“, учениците имаа можност да:ги препознаат различните форми на насилство (физичко, вербално, психолошко и кибер),ги идентификуваат знаците на насилство кај себе и кај другите,развијат вештини за соодветна реакција, поддршка и превенција.

Особен акцент беше ставен на кибер насилството како да го препознаеме, како да се заштитиме и како да помогнеме кога некој друг е изложен на него. Учениците покажаа голема зрелост, емпатија и подготвеност да бидат дел од позитивна промена.

Оваа работилница не беше само учење беше чекор кон создавање побезбедна, поразбирлива и похумана средина за сите.Да зборуваме. Да препознаваме. Да реагираме. Заедно можеме да направиме разлика!

На 15 март се одбележува Светскиот ден за заштита на правата на потрошувачите. По тој повод, учениците од трет година - економска струка кои го изучуваат предметот Однесување на потрошувачите, одржаа едукативна работилница.

Целта на работилницата е учениците теоретски да се запознаат со правата на потрошувачите, а преку практични вежби и видео презентации да се соочат со ситуации од секојдневието во кои се нарушени правата на потрошувачите.

На работилницата учествуваа учениците од прва и трета година од економската струка.

 Започна реализацијата на проектот „Унапредување на мултикултурализмот, меѓуетничката интеграција и толеранцијата“ под наслов „Разбуди се себе, разбуди го своето училиште“, проект финансиран од Министерство за образование и наука.

Со особена гордост информираме дека нашето училиште освои прво место на конкурсот и официјално ја започна реализацијата на проектните активности.Првата активност е успешно спроведена, под наслов:„Редуцирање на анксиозност преку ликовно и графичко изразување“, каде учениците имаа можност преку креативен израз да ги препознаат, изразат и ослободат своите емоции, со посебен акцент на меѓусебното разбирање, прифаќање и толеранција во мултиетничка средина. Проектот е изработен од Каролина Јовеска – ментор, во соработка со стручната служба и професорката Елиф Канзоска.

Со овој проект продолжуваме посветено да градиме училишна средина која промовира емпатија, заедништво и почитување на различностите.